وزارت صحت عامه می‌گوید که کار بازسازی شفاخانه ۲۰ بستر سفیدچهر ولسوالی حصه‌اول ولایت پنجشیر به همکاری بنیاد «موؤف» و در هماهنگی با این وزارت آغاز شده بود که به‌گونهٔ اساسی تکمیل گردید.
به همین مناسبت در مراسمی که برگزار شده بود، رئیس صحت عامه پنجشیر، داکتر حجت‌الله محمدی گفت که در بازسازی شفاخانه ۲۰ بستر سفیدچهر، کاشی‌کاری، ترمیم بخش اکسری، فعال‌سازی اتاق عملیات، فعال‌سازی بخش برق آفتابی ۱۵ کیلوواته، رنگ‌مالی تمامی بخش‌ها، بازسازی سیستم آبرسانی و نصب دیوارهای حفاظتی شامل است.
قابل یادآوری است که بنیاد «موؤف» به همکاری وزارت صحت عامه هم‌اکنون در مرکز و ولسوالی‌های این ولایت کار بازسازی شماری از تأسیسات مهم صحی دیگر را نیز ادامه می‌دهد.
