نشست نوبتی کمیسیون ملی تدارکات به ریاست معاون اقتصادی ریاست‌الوزراء، ملا عبدالغنی برادر آخوند، امروز (شنبه، ۲ حوت) برگزار شد.
معاونیت اقتصادی می‌گوید، به این نشست مطابق اجندا ۳۷ پروژه برای منظوری پیشکش شدند، که از آن میان ۲۲ پروژه به ارزش ۱۰.۲ میلیارد افغانی منظور و در ۷ پروژه دیگر یک سلسله تعدیلات آمد.
در پروژه‌های منظور شده و تعدیل شده؛ فاز دوم کانال قوش‌تیپه، ساخت ترمینال و پارکینگ میدان هوایی بین‌المللی احمدشاه بابا در ولایت کندهار، ساخت ترمینال مسافرین مربوط مرکز ولایت فراه، ساخت ۲۰ کیلومتر سرک از ایبک الی روی‌دوآب ولایت سمنگان، ساخت شفاخانه‌های عمومی در ولسوالی‌های یاوان ولایت بدخشان، دندپتان ولایت پکتیا و گلران ولایت هرات و تکمیل کارهای باقی‌مانده پروژه‌های برق‌رسانی و توزیع در ولایت‌های مختلف شامل است.
قابل یادآوری است که پروژه‌های منظور شده از سوی حکومت افغانستان تمویل می‌گردد.
