سخنگوی مرکزی حکومت سرپرست، مولوی ذبیح‌الله مجاهد می‌گوید که بر اساس حکم رهبری، مولوی عبیدالله امین‌زاده، والی پیشین تخار، به‌عنوان معین امور اجتماعی وزارت کار و امور اجتماعی، شیخ ضیاءالرحمن اریوبی، معین پیشین پلان و پالیسی وزارت معادن و پترولیم، به‌عنوان معین علمی وزارت تحصیلات عالی، و شیخ عبدالرحمن قانت، آمر پیشین نظارت د افغانستان بانک، به‌عنوان معین پلان و پالیسی وزارت معادن و پترولیم، منصوب شده‌اند.
به‌گفته آقای مجاهد، مولوی سمیع‌الله حزب‌الله، قوماندان امنیه پیشین ولایت کندهار، به‌عنوان والی تخار، مولوی عبدالاحـد طالب، والی پیشین هلمند، به‌عنوان قوماندان امنیه ولایت کندهار، و لطف‌الله خیرخواه، معین علمی پیشین وزارت تحصیلات عالی، به‌عنوان آمر نظارت د افغانستان بانک تعیین شده‌اند.
