امروز در کابل، شمار زیادی از جنرالان پیشین یک کنفرانس خبری برگزار کردند و از کشورهای همسایه افغانستان خواستند که با در نظر گرفتن اصول و قوانین بین‌المللی و حسن هم‌جواری، تمام طیاره‌های جنگی و ترابری و تجهیزاتی را که متعلق به ملت و مردم افغانستان است، به این کشور بازگردانند.
قابل ذکر است که در زمان سقوط نظام جمهوری، ده‌ها طیاره و دیگر تجهیزات نظامی به کشورهای ازبکستان و تاجیکستان انتقال داده شدند و هنوز به افغانستان تحویل داده نشده‌اند.
