قوماندانی امنیهٔ ننگرهار اعلام کرده که پولیس مبارزه با مواد مخدر در نتیجهٔ یک سلسله عملیات، ۹ تن را به اتهام فروش و قاچاق مواد مخدر بازداشت کرده‌اند.
وزارت امور داخله می‌گوید که این افراد در مربوطات شهر جلال‌آباد، ولسوالی نازیان و ولسوالی دوربابای ولایت ننگرهار بازداشت شده‌اند.
به گفتهٔ این وزارت، از نزد افراد بازداشت‌شده، ۲۰ کیلوگرام چرس، ۷ کیلوگرام تریاک، ۲ کیلوگرام شیشه و ۲۲ لیتر تیزاب به‌دست آمده است.
