ذبیح‌الله مجاهد، سخنگوی حکومت می‌گوید که رهبری حکومت در یک حکمی تعیینات جدید انجام داده است که بر اساس آن، شیخ شیر احمد حقانی، والی پیشین لغمان، به حیث وزیر اطلاعات و فرهنگ و ملا خیرالله خیرخواه، وزیر پیشین اطلاعات و فرهنگ، به حیث والی میدان وردک گماشته شده‌اند.
همچنان، قاری محمد بختیار معاذ، والی پیشین میدان وردک، به حیث والی لغمان و ملا محمد حافظ مجاهد، معاون پیشین قول اردوی مرکزی ۳۱۳، به حیث والی فراه تعیین گردیده‌اند.
به همین ترتیب، مولوی غوث‌الدین رهبر، والی پیشین فراه، به حیث معاون قول اردوی مرکزی ۳۱۳، قاری محمد نسیم عزت، قوماندان پیشین لوای دوم پیاده قول اردوی ۲۰۵ البدر، به حیث معاون ولایت جوزجان، حاجی شیرعلی جندالله، آمر پیشین حوزه سوم امنیتی شهر کابل، به حیث قوماندان امنیه ولایت پکتیا و ملا عبدالشکور بریالی، قوماندان پیشین لوای اول پیاده قول اردوی ۲۰۹ الفتح، به حیث قوماندان لوای دوم پیاده قول اردوی ۲۰۵ البدر گماشته شده‌اند.
علاوه بر این، مولوی نورالدین، معاون پیشین ولایت جوزجان، به حیث قوماندان لوای اول پیاده قول اردوی ۲۰۹ الفتح و مولوی محمد عمر مخلص، قوماندان پیشین امنیه ولایت پکتیا، به حیث آمر حوزه سوم شهر کابل تعیین گردیده‌اند.
