مولوی ذبیح‌الله مجاهد، سخنگوی حکومت سرپرست، می‌گوید که بر اساس حکم رهبری حکومت، یک‌سری تقرری‌های تازه انجام شده است.
به گفته آقای مجاهد، مولوی رحیم‌الله محمود، ولسوال پیشین ولسوالی سپین‌بولدک ولایت قندهار، به‌عنوان معاون والی ولایت فراه تعیین شده است، و حاجی کاکا سیاخه، ولسوال پیشین ولسوالی مقر ولایت بادغیس، به‌حیث معاون والی بادغیس گماشته شده است.
آقای مجاهد افزوده است که به همین ترتیب، مولوی عبدالکریم جهادیار، معاون پیشین والی فراه، به‌عنوان ولسوال سپین‌بولدک ولایت قندهار مقرر شده، و مولوی عبدالرشید منیب، رئیس پیشین ریاست استخبارات ولایت کندز، به‌حیث رئیس زراعت ولایت قندهار تعیین گردیده است.
