منابع محلی به «صدای هندوکش» می‌گویند که در سرک عمومی شهر کویته، مرکز ایالت بلوچستان، یک موتر مربوط به یکی از نهادهای حامی اردوی پاکستان هدف انفجار قرار گرفته است. در نتیجهٔ این رویداد، یک تن کشته و چهار تن دیگر زخمی شده‌اند.
به گفتهٔ منبع، موتر مربوط به بابل محمد حسنی، یکی از اعضای برجستهٔ نهاد حامی اردو بوده که خودش در این انفجار کشته شده و چهار محافظش زخمی گردیده‌اند.
مقام‌های پاکستانی وقوع این حمله را تأیید کرده‌اند و می‌گویند که زخمی‌ها برای تداوی به شفاخانه انتقال یافته‌اند.
